Սև հաղարջի մուրաբա

Սև հաղարջն օգտակար նյութերով հարուստ հատապտուղ է: Այն թե՛ թարմ վիճակում է հաճելի և թե՛ եփած` մուրաբայի կամ կոմպոտի տեսքով: Շատ կարևոր է նշել, որ հաղարջի օգտակար հատկությունները պահպանվում են: Մարդուն անհրաժեշտ C վիտամինի օրական պահանջը կարելի ստանալ ընդամենը 50 գ սև հաղարջից: Արագ եփած մուրաբայում կամ շաքարի հետ տրորվածքում նույնպես պահպանվում են բոլոր վիտամիններն ու օգտակար նյութերը:

Սև հաղարջով սառը մուրաբա

• 1 կգ հաղարջ,
• 1 կգ շաքարավազ:

Հաղարջը լվանալ ու քամել, ապա շաքարավազի հետ հարել բլենդերով կամ աղալ ու խառնել շաքարավազի հետ: Լցնել չոր ու մաքուր բանկաների մեջ ու պահել: 12-րոպեում պատրաստվող մուրաբա: Այդպես է կոչվում, քանի որ պետք է եփել 12 րոպեից ոչ ավելի:

Բաղադրությունը

• 1 կգ հաղարջ,
• 1,5 կգ շաքարավազ,
• 0,5 լ ջուր:

Ջրով ու շաքարավազի կեսով օշարակ պատրաստել ու եռացնել: Լցնել հաղարջն ու եփել 7 րոպե` խառնելով: Ապա ավելացնել մնացած շաքարն ու եռացնել 5 րոպե: Տաք-տաք լցնել ախտահանված բանկաների մեջ ու փակել:

Սառեցրած հաղարջ

Սև հաղարջը լավ է պահպանվում սառցախցիկում: Ի դեպ, այդ հաղարջից նույնպես ձմռանը կարելի է մուրաբա պատրաստել: Պարզապես անհրաժեշտ է դրա համար առողջ հատիկներ ընտրել, ապա լցնել հատուկ տարաների կամ տոպրակների մեջ ու դնել սառցախցիկը:

Ցանկալի է դրա համար ոչ մեծ խմբաքանակով պահեստավորել. այնքան, որքան պետք է մեկ օգտագործման համար:

Հարցեր, պատասխաններ, մեկնաբանություններ